Yolanda's Victim

Makikita sa larawang ito kung gaano kahirap ang kalagayan ng mga kababayan nating nasalanta ng napakalakas na bagyong yolanda.

Makikita naman dito ang naging epekto ng napakalakas na bagyo sa lugar na ito.


Isang napakalakas na bagyo ang humagupit sa ating bansa kamakailan lamang ito ay pinangalanang Yolanda, si yolanda ay isa sa sa pinakamalakas na bagyong dumating sa Pilipinas at sa lakas nito napakaraming nawasak na kabahayan, gusali, at mga buhay na nawala. ang mga karatig probinsya na Samar, Leyte at iba pang mga lugar sa visayas, at mindanao ang isa sa mga pinakanasalanta sa paghagupit ni bagyong Yolanda.
Isa ang Tacloban sa mga lugar na pinakanaapektuhan sa hagupit ni yolanda sa sobrang lakas nito hindi mailalarawan ang mga kugar na labis na naapektuhan, bagsak ang lahat ng kabuhayan, di padin alam kung paano makakabangon sa trahedyang sinapit. Ngunit sa kabila ng mga unos at sa gitna ng kahirapan nangingibabaw padin ang pagtutulungan at pagdadamayan ng ating mga kababayan. Dumagsa rin ang tulong mula sa mga karatig bansa na Amerika, China, Japan, Korea at marami pang iba.
Ang mga bansang nagbibigay ng tulong ay lubos rin na nakikiramay at nagbibigay pag-asa sa mga kababayan. May ilang linggo narin ang nakalipas magmula ng hagupitin ni yolanda ang mga karatih probinsya sa ating bansa, ngunit hanggang sa mga oras na ito marami padin ang lugmok sa kahirapan, subalit sa kabila ng mga pagsubok nanatiling matatag at puno ng pag-asa ang ating mga kababayan. Pag-asa na muling babangon sa kahirapan na sanhi ni bagyong yolanda. Dahil ang mga Pinoy ay matatag na humaharap sa mga pagsubok ng buhay , pagsubok na huhubog sa lahat upang mas maging handa sa pagsubok pang darating. Hindi man ngayon, bukas o sa mga susunod pang mga araw, darating ang oras at panahon na sabay-sabay makakabangon ang ating mga kababayan mula sa kanilang sinapit. Magtutulungan tayong lahat, dahil ang bawat isa sa atin ay maaring makatulong sa maraming paraan maliit man o malaki. Darating ang araw na muling masisilayan ang ngiti at panibagong pag-asa sa ating mga kababayang nasalanta ng bagyo, kahit anong pagsubok man ang harapin, malalagpasan at malalagpasan ito basta`t tayo'y magtutulungan para sa maligaya, masaga at mapayapang bukas na darating.

Ang Bayani ng Aking Buhay

Bawat isa sa atin ay may natatanging bayani sa ating buhay. Mga bayaning direktang nakakaimpluwensya sa ating pamumuhay, bayaning tinitingala at nirerespeto natin. Ilan sakanila ay ang ating mga magulang na ginagawa ang lahat ng mga bagay upang maging mabuti at tuwid ang landas ng ating tinatahak. Nandyan din ang mga bayani ng ating bansa ang ating tinatamasang kasarimlan sa ngayon. Ngunit sa isang simpleng mamamayan meron ka bang maituturing na sarili mong bayani? Bayaning nakapagpabago, nagbago o patuloy na nakapagbabago ng buhay mo patungo sa mabuting landas.

Hindi lingid sa aking kaalaman ang kalagayan ng relasyon ng aking mga magulang. Hindi ko sila sinisisi sa naging sitwasyon ng aming pamilya, datapwa't naging masaya pa rin ako sapagkat maayos pa rin nila akong napalaki sa kabila ng pagkakaroon nila ng sari-sariling pamilya. Madami man akong kalokohan, hindi pagsunod sa aking magulang o naging matigas man ang aking ulo hindi ko pa rin naman maibibilang ang aking sarili na ako'y isang masamang tao. Dahil sa aming sitwasyon ako ay lumaki sa pangangalaga ng aking lolo at lola, kasabay nila sa pagpapalaki sa akin ay ang aking tiyuhing si Tito Nny. Siya halos ang tumayong pangalawang tatay sa akin. Siya na siguro ang maituturing kong bayani ng aking buhay, hindi lamang sa pinansyal na aspeto s'ya nakakatulong sa amin, gayun din sa kung paano dapat maging isang mabuting tao sa kabila ng pagkakaroon ng mga mabibigat na pasanin sa buhay. Halos lahat ng meron siya sa kanyang buhay ay ibinabahagi na nya sa amin. Pati ang pagkakaroon nya ng sariling pamilya ay ipinaubaya na nya, upang sa amin na lamang lubusang maglingkod. Alam kong hindi iyon patas, sapagkat nangangailangan din siya ng kalinga ng sarili niyang pamilya, ngunit dahil sa pagmamahal niya sa amin mukhang isinantabi na niya iyon. Doon ko lalong minahal at nirespeto ang aking Tito Nny. Hindi masalitang tao si Tito Nny, ngunit pag kami ng pamilya nya ang kanyang kasama  ay lumalabas din ang kakulitan niya.

Taas noo kong ipinagmamalaki ang aking Tito Nny. Alam kong malayo pa ang aking lalakbayin upang maging isa akong taong katulad niya. Hanggang sa panahong ito ay patuloy pa rin siyang tumutulong sakin at sa aming pamilya. Alam kong hindi kami parehas ng tinatahak na landas ng aking Tito, pero hindi iyon hadlang para hindi ko masuklian ang kabutihang ipinapakita niya.

Darating ang panahon, lilipas ang mga alaala, magiging makakalimutin, kukulubot at manghihina ang aking Tito Nny. Ngunit hinding hindi ko makakalimutan ang mga bagay na itinuro niya sa akin, mga bagay na kahit sa aking pagtanda'y aking dadalhin at gagawin kong sandata at pundasyon upang maging mabuti na walang tinatapakang ibang tao. Lubos ang aking pasasalamat na siya ang aking naging tiyuhin, hindi ko man nasasabi o naipadarama sakanya, ngunit lubos ang pagmamahal ko sa kanyang buong pagkatao.

Para sa aking Bayani, Bayani na kailan man ay hinding hindi ko makakalimutan. Isang pagsaludo at pasasalamat sa impluwensya mo sa aking buhay at pagkatao. Si Tito Nny, ang aking titingalain, siya ang bayani ng buhay ko.